اخر نفس في
عود البخور ... بيبقى دائما احلى نفس . اخر بق في كوبايه المياه ... هو اللي بيروي
عطشك .
اخر معلقه في
طبق الرز اللي قدامك هي اللي بتشبعك اخر حبه سكر بتحطهم عشان تلقم الشاي ...
بيبقوا هم اللي محليينه .اخر كلمه بتقراها في روايه هي اللي بتحس بعدها ان انت ملك
وتخليك مبتسم كمان .
كلمه سلام
بتبقى اخر كلمه بتسمعها من صاحبك قبل ماتسيبوا بعض ... بتخليك تحس ان هو مهتم بيك
وبيحبك ... بيحبك بجد .
اخر نقطه مطر
بتنزل هي اللي بتخضر الأرض وتمحي السحاب . اخر حضن ابوك او امك حضنوهولك ... هو
اللي خلاك تذاكر كويس عشانهم ... هو اللي حسسك بالأمان . اخر نور بيطفي لما بتيجي
تنام ... هو اللي بيخليك تنام . اخر وقعه وقعتها ... هي اكتر واحده خليتك تضحك .
اخر حاجه ....
لو دورت ... هتلاقيها دايما ... احسن حاجه .
طلع جيتارك
.... واعزف الحان . ارسم بدماغك كل الالوان . تخيل .... تخيل ان انت في بحر
...تخيل انك في الجنه .... تخيل انك رئيس دوله ...عامل غلبان .... دكتور ....
مهندس .... الدنيا كلها هتبقى ليك بس لو اتفائلت .
ليست هناك تعليقات:
إرسال تعليق